7 claves para xestionar a comunicación en tempos de crise

7 claves para xestionar a comunicación en tempos de crise

Onte tivemos novo afterwork na casa. Despois do aplauso a todos os nosos heroes, máis de 60 persoas do sector conectámonos para pasar un ratiño xuntos e aprender.

Nesta segunda sesión Emma Cid, Directora Corporate de Torres y Carrera como relatora, contounos as 7 claves para xestionar a comunicación en tempos de crise.

Que é unha crise?

É unha situación grave previsible ou imprevisible que pode ter consecuencias económicas, xerar accidentes ou afectar de forma produtiva.

Unha crise caracterízase pola súa rapidez, por ser sorpresiva e desestabilizar.

Polo tanto, todas as empresas deben contar cun manual que axude a afrontar unha crise: definir a tipoloxía da crise, as audiencias ás que podería afectar, escoller aos membros do comité (portavoces), os sistemas de alerta (medios e seguimento) e configurar un plan de actuación.

Emma Cid

Unha boa comunicación ten un papel moi importante nunha crise:

  • Axuda a minimizar os efectos negativos
  • Transmite unha imaxe responsable da empresa
  • Permite gañar a confianza dos nosos públicos
  • E xera novos coñecementos

7 claves comunicativas

1. Toma de control

A primeira clave consiste en tomar a iniciativa, asignar aos portavoces e marcar os tempos das intervencións. Por exemplo, tomando o exemplo actual de xestión de crise do Coronavirus, asignar un portavoz técnico como Fernando Simón foi unha boa resposta por parte do goberno.

2. Ser transparentes

Ser transparentes + sinceros + rápidos = aumenta a credibilidade

As mensaxes teñen que ser claras e directas e a clave é indicar o máis importante ao comezo para evitar especulacións.

Sempre é moi positivo preparar exemplos para contextualizar a información.

Como exemplo negativo, seguindo co caso actual, Emma explicou o de Inditex e a súa información vertida do ERTE sobre a súa plantilla. Cada día as noticias foron dando datos contraditorios por unha mala xestión dos tempos.

3. Saber cales son os teus públicos

Ante unha crise, os primeiros en recibir a información da empresa son os nosos empregados, e en segundo lugar, os nosos clientes.

4. Mensaxes claras

Como indicabamos, a mensaxe ten que ser clara para evitar falsedades. Nesta crise sería importante que o goberno contase cunha web oficial para desmentir bulos.

Outros tips neste apartado é recoñecer erros e contalo.

Se fas unha moi boa campaña de doazón por exemplo, non sexas ti quen o comunique, deixa que sexan os beneficiarios. E moito coidado coas campañas oportunistas, que nos poden vir na contra.

5. Aporta valor

Unha crise é unha excelente oportunidade para aportar á sociedade. Actualmente estamos vendo bos exemplos: Cabify facendo traslados gratis para sanitarios, Apple creando unha app para detectar síntomas asociados ao coronavirus ou as empresas de telefonía regalando xigas gratis.

6. Actúa con sentido común e empatía

Ante unha crise, non fagas como se non pasase nada e non continúes coas túas campañas publicitarias. O teu público non o entenderá.

Exemplos de marcas que adaptaron as súas mensaxes son Gadis ou Ikea, publicando anuncios que empatizan co usuario.

Adaptarse ao momento non ten porque supoñer unha macrocampaña publicitaria de miles de euros. Podes optar por xogar co teu logo como fixo Audi separándoo. Nesta situación, imaxinación ao poder.

Pero moito ollo co humor. Non fagas como as cervexas de Corona, que buscaban un novo nome para a súa marca.

7. Xestión de oportunidades

Unha crise tamén é unha oportunidade:

  • Actualmente aumentou en máis dun 10% o consumo de redes sociais e máis dun 22% o da televisión
  • Súmate a iniciativas xa existentes como #YoMeCorono ou #QuédateEnCasa
  • Aposta pola tecnoloxía para aproximarte aos teus clientes e traballadores. A tecnoloxía abre novos puntos de contacto
  • Existencia de novas tendencias: as buscas relacionadas coa vida sana e recetas saudables medraron en máis dun 40%, reducimos notablemente os niveis de contaminación e agora dámoslle máis valor ás relacións persoais.

Moitísimas grazas a Emma por este webinar tan interesante e necesario. Tomamos boa nota! E tamén moitas grazas ao Cluster da Comunicación pola organización e como non, a dinahosting polo patrocinio.

Roi Scroll Roi Scroll

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar