Seguimos a ruta da moda galega, visitamos Adolfo Domínguez

Seguimos a ruta da moda galega, visitamos Adolfo Domínguez

O pasado venres 22 de febreiro tivemos unha oportunidade de ouro, facer unha visita á sede de Adolfo Domínguez en Ourense, recibidos pola CEO da marca galega e membro da terceira xeración da familia fundadora, Adriana Domínguez.

Din que a terceira xeración dunha empresa familiar é a que a leva á quebra e baseándonos nos números poderiamos afirmalo xa que no noso país 8 de cada 10 non superan esta barreira xeracional, pero Adolfo Domínguez é o caso contrario. A chegada de Adriana Domínguez fai algo máis dun ano deu un xiro e a renovación necesaria para levantar unha marca que non pasaba polos seus mellores momentos.

A pequena charla de benvida que nos ofreceu a CEO da marca foi moi interesante, puidemos coñecer de primeira man como xestionan a comunicación, a importancia que lle dan, tanto á externa como á interna, o cal poderiamos consideralo gran parte do seu éxito. Conseguir conservar o talento adoita ser unha das tarefas pendentes de moitas empresas, e unha comunicación interna eficaz é clave para logralo. A comunicación externa tamén sufriu unha renovación e asumindo moitos riscos tomaron boas decisións que lles levaron a crear varias campañas de éxito, como a soada #estonoesunselfie ou a de #semasviejo.

«Somos unha marca de deseño, de autor» contábanos a propia Adriana cando explicaba o valor engadido que querían transmitir nas súas pezas, “vimos dunha sastrería e por iso coidamos moito o corte, a calidade dos tecidos, o fitting” No mundo do fast fashion queren relacionar a súa marca coa durabilidad, a sotenibilidad e a calidade.

Tras o encontro con Adriana Domínguez puidemos percorrer o resto das instalacións, desde o almacén de tecidos, a zona de deseño, a patronaxe, o planchado, empaquetado e distribución desta marca con tendas en todos os continentes (acaban de abrir en Australia) e que se deseña e produce practicamente na súa totalidade en Ourense, a sede central onde traballan aproximadamente 300 persoas.

Roi Scroll

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar