A marca como motor do cambio das empresas

A marca como motor do cambio das empresas

Como xestionan as empresas galegas a súa marca? Que papel xoga a marca en termos de negocio? Destas e outras cuestións falamos no afterworkathome deste mércores 24 con Cristina Vicedo, presidenta de AEBrand, a Asociación Española de Branding e CEO de Sincerely e Dani Bembibre, vocal de AEBrand en Galicia e Socio e Co-fundador de Costa.

Cristina comezou detallando os principais resultados do III Edición do Estudo sobre a Saúde do Branding en España, o informe BrandPulse:

Resultados do BrandPulse

  1. Para as empresas españolas, a súa marca aínda segue sendo unha ferramenta táctica, e non estratéxica
  2. A Alta Dirección aínda non recoñece o peso estratéxico da marca
  3. O 65% dos CEO é responsable da marca, porén, só un de cada tres mide o seu desempeño
  4. Para máis do 60% das empresas, os problemas coas súas marcas débense a axentes externos e non internos
  5. Só un 16% das empresas recoñece ter a figura do “Campión da marca” con presencia na Alta Dirección
  6. O 53% das empresas contan con ferramentas para xestionar a súa marca
  7. Máis do 85% das empresas basea a saúde da súa marca do que xorde en reunións internas
  8. Dous de cada tres empresas monitorizan a súa marca menos dunha vez por ano, e case o 25% nunca o fai
  9. Máis do 75% dos responsables de marca sinalan que a colaboración entre áreas neste tema é entre baixa e nula
  10. Só un 20% das empresas considera que non hai frenos á colaboración entre áreas na xestión das súas marcas
  11. Para a maioría de empresas potenciar a marca vai ligada á súa presenza online
  12. Só a metade das empresas encontra importante explicitar o seu propósito a través da súa marca
  13. Debido á Covid-19 un 60% das empresas están entre forte e totalmente paralizadas
  14. O 42% da inversión para os próximos meses será táctica e basearase na comunicación e RRPP
  15. Neste momento non facer nada gáñalle ao investimento en branding
  16. A futuro, as empresas recoñecen a necesidade de traballar con mellores ferramentas e no seu propósito
Cristina Vicedo

Se eu tivera 8 horas para talar unha árbore, 7 dedicaríaas a afíar unha machada. Abraham Lincoln.

Para as marcas debe ser esencial descubrir cal é o seu propósito, a onde queren chegar, que queren ser.

Cristina Vicedo

Cristina Vicedo rematou a súa intervención afirmando que un dos erros de empresas como BQ foi non ter claro o seu propósito nin construír unha marca aspiracional

A marca, un elemento intanxible de valor incalculable

Dani Bembibre comezou a súa intervención destacando que non podemos imaxinarnos a sociedade sen marcas, forman parte do noso día a día. Temos que entender que na sociedade na que vivimos é importante saber xestionar elementos intanxibles como as marcas. E esta xestión débese facer de forma continuada, non é algo que se fai e se termina, senón que é un fío vertebrador que está en todas partes.

As marcas son o único elemento capaz de apropiarse dun espazo no noso recordo. As marcas non se crean nin se destrúen constrúense. É un dos activos máis potentes das empresas

Dani Bembibre

Para Dani Bembibre a construción da marca dentro da organización non só lle corresponde ao departamento de marketing, senón que toda a organización ten que estar sensibilizada e concienciada en facer marca. O público entende a marca como un todo.

Dani Bembibre

As marcas, máis que nunca, deben ser coherentes e ter un propósito. Se vendes sostibilidade, un produto ecolóxico e natural, non podes empregar plástico no teu packaging, é unha incoherencia total.

Nun mundo hiperconectado, as marcas loitan por conseguir a atención dos consumidores, e só coa atención do consumidor, a marca xa xera valor. Dani Bembibre puxo sobre a mesa o exemplo de Ferrari, que non é a marca que máis vende coches, pero é unha das máis cotizadas.

Graciñas a Dani Bembibre e Cristina Vicedo por todas estas ensinanzas tan importantes sobre as marcas. E graciñas aos máis de 100 asistentes por darnos o voso apoio neste afterworkathome. Contamos con vós para os seguintes!

Non queremos deixar de agradecer ao Cluster da Comunicación a axuda na organización, ao CírculoDircom e Creatividade Galega polo apoio e difusión e a dinahosting polo patrocinio.

Roi Scroll Roi Scroll

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar