Achegámonos ao macroproxecto de Vialia en Vigo

Achegámonos ao macroproxecto de Vialia en Vigo

A pasada semana os membros de Markea tivemos a oportunidade de coñecer de primeirísima man o macroproxecto de construción do Centro Comercial Vialia en Vigo, da man de Daniel Lorenzo, Director de Marketing de Nhood, a empresa promotora.

Nhood trátase dunha empresa inmobiliaria de servizos mixtos de Francia. O seu obxectivo é apoiar aos seus socios, territorios e cidadáns na rexeneración e renaturalización de sitios existentes en espazos habitables. Nhood evoca a colaboración, a buscar un impacto positivo, o ben común… En definitiva, lugares para vivir mellor.

Proxectos con triple impacto: Vialia Vigo

Partindo dunha estación de tren cun centro comercial no seu interior, Nhood pretende convertir este espazo nun lugar de vida en pleno centro da cidade olívica. Tanto a oferta comercial, cultural e de entretemento deseñáronse escoitando as demandas e peticións dos e das viguesas.

O centro comercial Vialia trátase dun proxecto mixto cun triple impacto positivo:

  1. Para persoas. Disporá dunha praza pública co-construída cos cidadáns e terá tamén un espazo senior. Ademais contaron coa colaboración da participación cidadá a través da web, redes sociais e puntos de información
  2. Sostible para o planeta. A construción fíxose atendendo a criterios de eficiencia enerxética, reducción da pegada de carbono, uso de recursos naturais e vexetación autóctona
  3. Emprego. Creación de milleiros de empregos, 900 durante a construción e 2000 en canto se abra. Importancia da creación de sinerxias locais

Atendendo aos datos técnicos, o centro comercial terá 5 andares, dos cales 2 son niveis comerciais con 125 tendas, 2 niveis de aparcadoiro con 1500 prazas e 1 praza pública de 30.000 metros cadrados con parques, zonas de deporte e ocio para todas as idades.

O centro comercial de Vialia foi deseñado polo prestixioso arquitecto Thom Mayne, referencia mundial de arquitectura e autor de ducias de obras por todo o mundo.

E como non, o centro comercial estará conectado coas dársenas da estación de autobuses e da estación de trens de alta velocidade, que acumulan entre ambos un tráfico de 4 millóns de viaxeiros.

Daniel Lorenzo tamén quixo destacar a tematización viguesa que terá o centro comercial: asteleiros navais, ponte de Rande, zona do Berbés. a movida dos 80 e o Vigo conserveiro.

Moitas grazas a Daniel por achegarnos este proxecto de grande valor para Vigo e toda Galicia. Estamos desexando poder ir e velo in situ.

Roi Scroll Roi Scroll

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar