Buscadores de tendencias- Benvidos ao coolhunting

31 de Xaneiro de 2019

Que é o coolhunting e como podemos aplicalo ao noso traballo diario? Disto falounos Silvia Fraga o pasado martes, no Club Financeiro da Coruña, ante máis de 40 persoas.

Tendencias e coolhunting

Silvia explicounos primeiramente que son as tendencias e o coolhunting. Mentres as tendencias son o motor da innovación, unhas veces dende a evolución e outras dende a revolución, o coolhunting é a disciplina que mediante a observación de indicios de cambio, é capaz de detectar as tendencias emerxentes antes de que se convirtan en moda e estean en boca de todos nós.

Para ser uns expertos no coolhunting temos que ter no noso poder unha serie de :

Armas

Observar
Escoitar
Analizar
Investigar

E pelexar nas batallas de:

Reinvención de novos negocios
Apertura da mente
Innovación na capacidade de comunicación
Reinvención de produtos e servizos
Creación de novos proxectos que aporten valor engadido ao consumidor

Coolhunting- todo comeza coa disrupción

Todo comeza coa disrupción, que son cambios que se producen nun determinado contexto político, social e económico e liderados por unha xeración. Para que a disrupción vaia adiante, certas empresas deben adoptar estes cambios como parte da súa innovación. Só así se pode converter en algo viral. Exemplos ben coñecidos por todos son os batidos detox, que se puxeron de moda grazas ás influencers en Instagram ou a defensa dos dereitos da muller.

Nestes cambios teñen moito que dicir as novas xeracións, que se converten en auténticos abanderados e motores da innovación.

Macrotendencias de produto e consumo

Hoxe en día podemos falar das seguintes macrotendencias:

Sostibilidade como eixo estratéxico. Somos máis conscientes e estamos dispostos a pagar un pouco máis
Transparencia, autenticidade e orixe
Experiencia e emoción
Personalización de produtos

Entropía e incertidume

Pero as novas tendencias tamén xeran incertidume. Dise que a entropía e a combinación de certas realidades que son moi diferentes entre si. Igual isto che parece raro, pero con exemplos seguro que te aclaras.

O mundo hiperconectado ou o mundo dos que queren controlar a súa información privada
A promoción da economía local ou os grandes centros comerciais

Exemplos de tendencias

Imaxínaste mercar unha camisola ou cosméticos nunha máquina de vending? Agora xa é posible. Gústache Breakfast at Tiffany’s? Podes sentirte unha auténtica diva indo a unha cafetería de Singapur.

Decálogo da nova comunicación

Silvia Fraga rematou a súa interesantísima charla compartindo o decálogo da nova comunicación. Toma nota:

CENTRA A COMUNICACIÓN NUNHA MENSAXE HUMANIZADA, EMOCIONAL E SEGMENTADA
PON O FOCO NO TEU CLIENTE E DI ADEUS ÁS MENSAXES XERAIS
A LINGUAXE É FUNDAMENTAL
XERA UN VÍNCULO EMOCIONAL CO TEU CLIENTE, E TRANSFÓRMAO NUN PRESCRITOR
AS NOVAS XERACIÓNS SON CLAVE, TAMÉN NA POLÍTICA
A COMUNICACIÓN INSTITUCIONAL TEN QUE SER CERCANA
AS ESTRATEXIAS COMUNICATIVAS DEBEN ADAPTARSE A RETOS SOCIAIS COMO O EMPODERAMENTO FEMININO OU O CAMBIO CLIMÁTICO
O TEU VALOR DIFERENCIAL É O TEU FUTURO
A DIFERENCIACIÓN É CLAVE, UNIDA Á EMOCIÓN, VALOR, PERSONALIZACIÓN E SEGMENTACIÓN
CONECTA COS INTERESES E EMOCIÓNS, XERA ENGAGEMENT

Graciñas a Silvia por esta interesantísima charla, e por compartir connosco todos estes trucos. E a dinahosting polo seu patrocinio 🙂