Charla con Carlos Carro, do Grupo ARC Eurobanan

No último evento de Markea tivemos a sorte de contar con Carlos Carro, Marketing & Communications Manager Online /Offline do Grupo Eurobanan, empresa líder no sector da distribución hortofrutícola en España, con alcance mundial.

Carlos comezou amosando unha visión global do Grupo Eurobanan, que pertence á multinacional Total Produce. Algúns datos que amosan a sua dimensión son:

• Más de 38.000 empregados en todo o mundo
• 250 instalacións
• 39 países
• Mais de 490 millóns de caixas de produto

De seguido, pasou a relatar que están a facer na área de marketing.

Neste senso, veñen de detectar que o consumidor de froitas e hortalizas quere produtos locais, naturais, sans, prácticos, etc. e o labor de Carlos Carro é escoitar estas novas necesidades e adaptarse a elas. ¿Cómo o están a facer? Carlos púxonos dous exemplos:

• plátano deshidratado en bolsiñas (práctico)
• aguacate light (san)

Outro dos valores que están a traballar en Grupo Eurobanan que tamén e tendencia, é a sostibilidade. E neste caso, o equipo de Carlos están a procurar alternativas de envases sostibles que ademais cumplan os requisitos básicos para alimentación. Por exemplo, cunhas bolsas elaboradas dun material que é compostable e biodegradable ou cartóns FSC.

Pero, a sua inquedanza polo planeta non queda só neste apartado. Teñen moi presentes os #ODS (Obxectivos de desenvolvemento sostible) en toda a cadea de valor, así coma na vida dos empregados.

Por suposto, a tecnoloxía tamén está na sua folla de ruta e están xa a experimentar con realidade aumentada e códigos QR, por exemplo.

Grazas Carlos por adentrarnos nun mundo tan cercano, tan apegado ao noso día a día, e que ten tanto por descubrir, sobre todo despois de escoitarte. Foi un prazer aprender contigo.