Como gañar clientes sen perder diñeiro con Google Ads

Nun auditorio cheo, Sonsoles Fariña de Iconweb, foi a conferenciante do Afterwork de maio, en Vigo. Falounos das posibilidades que a ferramenta de Google (Ads) nos ofrece para crear campañas, as súas múltiples vantaxes na segmentación e como optimizar o investimento en tempo, tendo en conta que Google Ads segue a ser un dos canais máis importantes para captar clientes a día de hoxe.

Foi un Afterwork innovador xa que todos os presentes puideron poñer en marcha a súa campaña in situ, a través do taller práctico que coordinou Sonsoles. Mostrounos como comezar unha campaña dende o inicio, e definir os factores e estratexias a ter en conta para a sua optimización.

Unha vez máis, Markea axudou a achegar ferramentas de marketing ao público e a mostrar opcións para achegar a nosa proposta ao mercado sen necesidade dun gran orzamento.