Como o deseño 3D se pode aplicar á nosa estratexia de marketing e publicidade?

Como o deseño 3D se pode aplicar á nosa estratexia de marketing e publicidade?

Se te estás a preguntar como é posible integrar deseño 3D, marketing e publicidade non podes perderte este post. Roberto Hernández, xerente de alltogetherdesign, explicounos que a virtualización dos procesos de deseño estableceron un punto de encontro entre os creativos do deseño gráfico e o marketing. Actualmente, o crecemento do uso de softwares 3D permítennos crear contidos de elevada utilidade para o noso sector.

O 3D permite a xeración de contidos gráficos cun alto nivel de realismo, sempre tentando simular a natureza dos materiais: pintura, cromados, materiais…

Roberto Hernández

Por que debería interesarche traballar co 3D?

A resposta é clara, o 3D é versátil e permíteche aforrar en tempo e custes.

A través do 3D podes representar de forma realista a realidade, pero tamén a podes modificar ao teu antollo. Facer traballos sobre unha peza real é moi custoso, por iso o 3D vén a axudarnos a xerar contidos que aportan moito valor e que serven para diferenciarnos da nosa competencia.

O 3D axuda a xerar novas narrativas visuais entre un obxecto real e unha ficción.

As vantaxes do seu uso son:

  • Aforro económico ao non ter que fotografiar os elementos por separado e ao non ter que preparar a escenografía e iluminación.
  • Evitar variabilidades entre fotografías polos cambios da iluminación. Ter sempre a mesma iluminación e moi complexo.
  • Aforro de tempo, ao prescindir da preparación do plató (iluminación, set fotográfico, desprazamentos dos profesionais…)
  • Os custes de posprodución tamén son menores, xa que as imaxes se xeran automaticamente e non hai que usar o PhotoShop para modificalas.
  • Factor diferencial fronte a competencia, ao ir un paso máis alá.

Aplicación práctica

Roberto Hernández exemplificounos sobre o uso do 3D nas áreas de marketing e comunicación:

  • Elaboración de catálogos de produtos, coas súas variantes de cores, tamaños, cromados, estampados, materiais…
  • Xeración de galerías de imaxes nas webs, creando múltiples versións dunha mesma fotografía, en definitiva, trátase dunha reutilización dunha mesma imaxe para realizar outras moitas.
  • Creación de prototipados mediante infografías, antes de que o obxecto estea fabricado, o que supón un tempo de aforro e custes.
  • Construción do packaging de produtos incluso antes de que ese material estea realizado.
  • Xeración de imaxes e gifs para dinamizar as redes sociais.

Roberto Hernández rematou a súa ponencia explicando que o 3D bebe da fotografía, pero ten múltiples vantaxes.

A evolución do 3D camiñará cará a realidade aumentada. Isto supón que o propio usuario interactúe co obxecto e que o poida ver en formato 360º, apreciando cada un dos detalles da peza.

Graciñas Roberto por achegarnos o mundo do 3D e explicarnos a utilidade para o sector do marketing.

Non queremos deixar de agradecer ao Cluster da Comunicación a axuda na organización, ao CírculoDircom e Creatividade Galega polo apoio e difusión e a dinahosting polo patrocinio.

Roi Scroll Roi Scroll

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar