IV Panel de Marketing de Galicia

No mes de marzo presentamos o IV Panel de Marketing Galicia, grazas á colaboración de Avante, iuni e Markea. Este panel xurdiu no ano 2014 co obxetivo de analizar o comportamento dos departamentos e directores de marketing da nosa terra, como explicou o noso presidente Xosé Luis Reza.

Antes de presentar os resultados do estudo tivemos a oportunidade de escoitar a Xose Manuel Merelles, dirCom da Axencia de Turismo de Galicia, e a Vilma Otero, directora de Marketing de Cenor. Contáronos de como co seu traballo fan que o marketing e a comunicación en Galicia gocen da mellor saúde posible, aportando o seu granciño de area.

Presentación do Panel

Beatriz Pereira, CEO de iuni, comezou contándonos os obxetivos deste panel no que participaron 50 Directores de Marketing e Comunicación das principais empresas de Galicia, aos que agradeceu a súa colaboración. Buscábase coñecer:

– A percepción da situación actual do sector en España e Galicia
– A organización e estrutura dos departamentos de marketing
– As actividades de marketing realizadas en 2018 e as previstas para o 2019
– A inversión realizada en medios en 2018 e a prevista para 2019
– As mellores campañas publicitarias e accións de marketing galego

Bea foi desgranando pasiño a pasiño os datos acadados, para rematar coas seguintes conclusións:

• Percepción dunha situación de estabilidade e previsións optimistas, sobre todo en Galicia fronte á situación nacional.
• A actividade de marketing máis relevante segue a ser o lanzamento de novos produtos, seguido da investigación de mercados, implantación en novos mercados e creación de marcas.
• Con respeto a anterior edición do panel (2016), as actividades de marketing que máis creceron foron: a creación de novos formatos de presentación de produto, a creación ou modificación de marcas, etc. que ademais foron decisións que na súa maioría partiron de departamentos de marketing.
• Para 2019 espérase un aumento de inversión en case todos os formatos online.
• As mellores campañas de 2018, segundo os marketeros galegos foron, nesta orde:
  • “Una historia diferente” – Estrella Galicia
  • “Sin bigote, Vicente no es del Bosque” – Pescanova
  • “Tenemos que vernos más” – Ruavieja
  • “Dentro de nós” – Abanca
  • “Bacalao islandés con acento gallego” – Froitomar

Se queredes ver o estudo ao completo, facede clic aquí