Marketing deportivo. O patrocinio como ferramenta estratéxica de marketing

No mes de febreiro tivemos unha novidade nos afterworks da Coruña, estreamos novo espazo na cidade: Fnac Coruña, acercándonos así ao centro da cidade e poñérvolo mais a man. E non puidemos facelo cun mellor ponente, Dani Agra, director de marketing do Monbús Obradoiro.

Dani falounos do patrocinio deportivo, que é ao que se adica no seu día a día, como ferramenta estratéxica para as marcas. Explicounos con todo luxo de detalle, as claves da exitosa estratexia de patrocinio deportivo que está a levar a cabo co CB Obradoiro, dende hai xa 7 anos.

Durante a charla, repasou os diferentes formatos de patrocinio que explota o clube na actualidade, o seu peso nas contas do mesmo e as diferentes adaptacións que fan para cada tipo de público e patrocinador concreto, como poden ser monetarios, colaborativos ou mesmo sociais.

Estas son as claves que Daniel Agra nos deixou do patrocinio como ferramenta estratéxica de marketing:

• Favorece que a marca interactúe coa sociedade dunha maneira natural
• Fai posible a relación direta con diversos públicos obxetivo
• Crea engangement
• Aporta visibilidade, notoriedade e credibilidade
• Facilita a transferencia de atributos de marca e de valores entre patrocinador e patrocinado, de maneira recíproca

A información que nos amosou, permitiunos constatar como un equipo dunha cidade de menos de 100.000 habitantes, pode competir na liga mais importante de Europa e estar entre os primeiros en reputación e retorno da inversión, grazas a un proxecto de marketing dinámico, segmentado e plenamente vinculado aos valores da marca.

Foi, sen dúbida, unha gran estrea.

Grazas a Dinahosting polo patrocinio destas xuntanzas que tanto nos aportan. E tamén grazas a Rubén Pereiro, de Fnac, pola sua acollida.