Xa coñecemos os 18 proxectos premiados dos V Premios Paraugas

O pasado venres 12 de febreiro voltamos festexar que en Galicia chove talento a mares no eido da comunicación, marketing, creatividade, eventos, edición, impresión, deseño e marketing dixital. Nestas sete categorías escolléronse un total de 18 proxectos de empresas, institucións e axencias que destacan pola súa orixinalidade, calidade e bo facer.

Nesta V edición dos Premios Paraugas, adiada dende novembro, mudamos a gala presencial celebrada como de costume en Expourense por un evento en streaming en formato televisivo, pilotado por Miraveo. Como presentadores, voltamos contar cos xornalistas Luis Fraga e Belén Xestal, que conduciron unha gala moi emotiva e dinámica. E entre categoría e categoría, a nota musical puxérona os artistas galegos Eladio y los Seres Queridos, Guadi Galego, Pablo Lesuit e Xoel López.

O presidente do Clúster da Comunicación, Xosé Luis Reza, quixo destacar o bo traballo do noso sector, que non parou dende o 13 de marzo de 2020, demostrando a súa profesionalidade e solidariedade malia as circunstancias. Tamén agradeceu o apoio de todos os colaboradores e patrocinadores, que fixeron posible a celebración destes premios, que son os premios de todos.

Coñecemos xa a todos os premiados, nos que destacan as empresas Estrella Galicia, Nueva Pescanova e Bonilla a la vista con varios galardóns:

Gañadores dos V Premios Paraugas 2020

Categoría Marketing (Premios Avante Medios)

Premio Paraugas á Mellor Estratexia /Acción de ‘Branding’

• Manifiesto (La Resistencia se une a La Resistencia). Estrella Galicia – Hijos de Rivera/Tony Le Brand

Premio Paraugas á Mellor Estratexia /Acción de Produto

• Brocha de afeitar Edición Limitada A Rapa das Bestas. Carlos Conde Peluqueros

Categoría Creatividade (ICON)

Premio Paraugas á Mellor Creatividade Gráfica

• Naipes Agencia Gráfica. Desescribir – Álvaro Valiño – Cibrán Rico – Suso Vázquez

Premio Paraugas á Mellor Creatividade Audiovisual

• Navidad de Bigotes. Nueva Pescanova

Premio Paraugas á Mellor Execución de Idea

• #DígochoEu. Corporación de Radio e Televisión de Galicia (CRTVG)

Categoría Comunicación (Premios Galicia Calidade)

Premio Paraugas á Mellor Estratexia de Comunicación Externa

• Bonilla a la vista-Parásitos. Eme Comunicación-Wise

Premio Paraugas á Mellor Estratexia de Comunicación Interna

• El Cluedo. Wired & Linked

Premio Paraugas á Mellor Práctica na Comunicación da Responsabilidade Social Empresarial

• Camino Sostenible. Miramemira

Categoría Marketing Digital (Premios .gal)

Premio Paraugas á Mellor Estratexia de Marketing Digital

• Bonilla a la Vista: una transformación digital de cine. Visual Publinet

Premio Paraugas á Mellor Campaña de Produto o Servizo

• Navidad de Bigotes. Nueva Pescanova

Premio Paraugas ao Mellor Proxecto de Social Media

• Husqvarna España – redes sociais. Nasas

Categoría Diseño (Premios GAIN)

Premio Paraugas ao Mellor Deseño Gráfico

• Restyling da marca 1906. Cervezas 1906 – Hijos de Rivera

Premio Paraugas ao Mellor Deseño Industrial ou de Produto

• PowerBike P2R. Pablo Iglesias – Lavelle Bikes

Premio Paraugas ao Mellor Deseño Dixital

• Web Arturo Álvarez. Teiga, Studio

Categoría Eventos (Premios TAC)

Premio Paraugas ao Mellor Evento

• ECAI 2020 – Programa social virtual. Trevisani

Categoría Impresión e Edición (Premios HP Indigo)

Categoría Edición: 

Premio Paraugas ao Mellor Libro

• O pacto do Letargo. O tríscele roubado. Gráficas Anduriña

Premio Paraugas ao Mellor Catálogo Publicitario

• Catálogo Iluminación 2020. Tecsoled. Meraki Creatividad

Categoría Impresión: 

Premio Paraugas ao Mellor Traballo Comercial

• Recetas para conservar otros 150 años (Albo). Wired & Linked