As ganas de volver notáronse no primeiro afterwork presencial, onde coñecemos de primeira man as claves coas que traballa 2bedigital.

Primeiro Afterwork Santiago de Compostela
Onte, no seo da Asociación de Empresarios do Polígono do Tambre, desenvolveuse o primeiro Afterwork de Marketing e Comunicación que convocaron conxuntamente o Clúster da Comunicación Gráfica, Markea, Dircom, Creatividade, AJE e a propia Asociación do Polígono do Tambre. Nesta primeira oportunidade Jacobo Bermejo, Conselleiro Delegado de Tórculo e Secretario Xeral do Clúster de Comunicación Gráfica, esgrimiu as claves da industria 4.0 aplicadas á realidade industrial galega e aportou claros exemplos deste novo paradigma no eido das artes gráficas, entre outros.