Markea celebra os seus 6 anos reforzando a súa xunta directiva

Markea celebra os seus 6 anos reforzando a súa xunta directiva
  • Xosé Luis Reza e Jorge Pallarés continúan como presidente e secretario xeral respectivamente, e incorpóranse ao sei comité de dirección Jose Cabanas como vicepresidente e Ana Caruncho como directora
  • A Asociación Galega do Marketing conta xa con 117 asociados entre os que xa se atopan profesionales galegos de marketing na diáspora

 

Markea, a Asociación Galega do Marketing, celebrou o seu sexto cumpreanos reunindo a máis de cincoenta dos seus asociados no xa tradicional almorzo de Nadal.

Tras o mesmo, o seu secretario xeral Jorge Pallarés -director de marketing de Pizza Móvil- inaugurou o encontro lembrando os principais obxextivos da asociación, entre os que destacou o fomentar e dar a coñecela cultura do marketing, facilitar o intercambio de experiencias e ideas entre os seus membros, servir como foro de networking, e prestixar e dar a coñecelo papel do marketing e dos seus profesionales. Aproveitou tamén para facer un breve recordatorio de todo o sucedido ao longo do 2018: afterworks, encontros con grandes referentes do sector como Beatriz Navarro -directora de marketing de FNAC- ou Carlos Fernández -director de comunicación dixital de Iberdorla-, ou visitas a empresas da talla de LinkdIn, Tesla o Rodman.

Acto seguido, Alfonso Boullosa –director de Avante Noroeste- presentou un pequeno resumo cos resultados da campaña “O mellor do marketing é que elixes ti”. Markea confiou en Bap&Conde a creación da sua segunda campaña de publicidade para por en valor a función do marketing na sociedade, coa que se pretendía, unha vez máis, revalorizar e papel do marketing. Avante foi a axencia encargada de xestionar a planificación de medios, implicando aos principais soportes galegos na estratexia da campaña que foi visible durante todo o mes de febreiro en toda a nosa comunidade autónoma.

Xosé Luis Reza –presidente de Markea e do Cluster da Comunicación Gráfica de Galicia- pechou a asamblea xeral presentando as contas do exercicio e presentando á votación á nova xunta directiva. Por unanimidade, a Asociación Galega do Marketing decidiu reforzar o seu comité de dirección coas incorporacións de Jose Cabanas -CMO de Estrella Galicia- como vicepresidente e Ana Caruncho -socia consultora de Missing Ondina- coma directora.

Reza tamén quiso dalas grazas a todos os presentes polo seu apoio incondicional e destacar o importante papel que xoga os diferentes membros da xunta; facendo especial fincapé no esforzo realizado por Javier Fernández como responsable de formación, é de Elena Pérez Canal, Juan Carlos Silva e Loly Martínez organizando os afterworks nas diferentes provincias, así como Lucía González xestionando as redes da asociación. Asemade tivo palabras de agracemento para aquelas empresas que axudan en todo momento a Markea: Galicia Calidade, TAC!, Avante, Silman…

Seis anos despois do seu lanzamento, Markea conta xa con 117 asociados e neste ano deu un novo paso creando Markea Madrid para os marketinianos galegos residentes na capital. Novos proxectos xa esperan neste comezo de ano, inaugurando o primeiro trimestre con visitas a Pull&Bear, Adolfo Domínguez e Pescanova, e coa presentación do Panel de Marketing de Galicia que está realizando nestas datas a división de investigación de iuni co apoio de Avante. Para celebrarlo, unha vez finalizado o acto institucional os asociados disfrutaron dunha sobremesa amenizada polo sumiller Juanjo Figueroa e a súa banda Bafana.

 

 

Roi Scroll Roi Scroll

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar