Retos da comunicación corporativa na era dixital

Retos da comunicación corporativa na era dixital

Somos dixitais. E non o dicimos nós, dino os datos. Segundo Emma Cid, directora Corporate de Torres y Carrera, os españois pasamos moitas horas en Internet, ao redor de 5,20 horas diarias. Aí é nada. A televisión aínda segue aguantando na carreira, con case 3 horas, “gastamos” nas redes sociais 1,38 horas, e escoitando música en streaming, 45 minutos. Todo isto suma case 11 horas, a metade das horas do día!

Tendo en conta que pasamos 11 horas diarias en Internet, en redes sociais e diante da televisión, recibimos milleiros de impactos cada día. Estamos sobresaturados, e as marcas vense obrigadas a conquistar a un usuario cada día máis selectivo e menos fiel.

O 92% das marcas poden desaparecer e non lle importaría a ningúen- Meaninghful brands 2017

O 90% dos consumidores españois son un consumidor “infiel”- Loyalty Monitor 2017

Os consumidores confían máis no que lle pode contar un cliente como eles, que toda a información que proveña da marca. Neste caldo de cultivo os medios somos todos:

  • Calquera pode transmitir información, estamos ON
  • Pasamos de ser receptores a emiceptores
  • Do massmedia estamos no mymedia
  • Somos máis esixentes e desconfiados
  • Máis que confiar nunha marca, deixámonos influenciar polos influencers
  • Queremos información en tempo real
  • Xa non lemos, vemos
  • E do interese desmedido experimentamos preguiza, non temos tempo!

Tócanos mudar

As marcas temos un bo reto por diante. Mudar ou morrer!  Aquí uns puntos a ter en conta:

Ser dixitais

  • Sempre ON
  • Segmentar sempre
  • Canais- formatos-mensaxes
  • Adaptar as APP ao que precisamos: o WhatsApp e Twitter como medios e RRSS para atender aos clientes na xestión de crises

Ser transparentes

Coida os contidos. Todo o que publiques debe estar aliñado cos valores corporativos.

Traballar en tempo real

Escoita e recompila datos. Con toda esta información analiza e toma decisións.

Aportar valor

Baséate nestas 6 ideas para aportar valor a través dos teus contidos:

  1. Informa
  2. Inspira
  3. Axuda
  4. Educa
  5. Premia
  6. Entretén

Aproveitar o tirón dos influencers

E non só dos influencers e celebrities. Usa a influencia dos teus traballadores para que eles mesmos sexan os mellores embaixadores da túa empresa.

Optar polo audiovisual

Youtube é unha das redes sociais con maior crecemento e é o segundo buscador a nivel mundial. Segundo un estudo de CISCO, en 2021, o 80% do tráfico mundial en Internet será a través de vídeos.

Emocionar e contar historias

Son bos exemplos as campañas emocionantes e que contan historias como a  “Tenemos que vernos más” de Rúa Vieja ou “Aprendemos juntos” de BBVA.

Conclusións

A modo resumo, Emma Cid contounos que os retos máis importantes que temos sobre a mesa son: traballar con transparencia, segmentar os nosos públicos, aportar valor, integrar a novos interlocutores e elaborar contidos inmediatos e en formato vídeo. Pero sobre todo, emocionar sempre.

Moitas grazas a Emma Cid por regalarnos todos estes consellos no afterwork celebrado hai uns días no Círculo de Empresarios de Vigo, que dende xa estamos desexando poñer en práctica nas nosas empresas.

Roi Scroll

Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar